Қазақстанда екінші атом электр станциясы (АЭС) Ертіс өзенінде, Курчатов қаласының жанында салынуы мүмкін, деп хабарлайды LS.

Энергетика вице-министрі Жандос Нұрмағанбетов журналистердің Қазақстанда қанша АЭС салу жоспарланғаны туралы сұрақтарына жауап берді.

"Қазір бұл мәселе бойынша тиісті талқылаулар жүріп жатыр. Қазақстандағы екінші атом станциясы Ертісте Курчатов қаласының ауданында пайда болуы мүмкін", – деп мәлімдеді ол.

Егер Қазақстан көміртегі бейтараптыгына қол жеткізу жолын қабылдайтын болса, онда бірнеше атом электр станцияларын салу керек, деп атап өтті вице-министр.

"Яғни, Ертіс-болашағы зор алаң", – деп түйіндеді ол.

Бірінші АЭС-ке келетін болсақ, министр Болат Ақшолақовтың айтуынша, Қазақстанда онда жұмыс істеуге лайықты мамандар жоқ. Сондықтан шетелдік сарапшылар тартылмақ. Станция іске қосылған кезде 2 мың білікті кадр қалыптастырылуы тиіс.

"Қазақстанда АЭС жоқ, жеткілікті деңгейде дайындалған кадрлар жоқ. Ал бір станция үшін бізге тұрақты 2 мыңға жуық адам керек. Бұл жай жұмысшылар емес, олар физика туралы өте терең білімге ие болу лары ықтимал. Сондықтан, бізге өз кадрларымызды дайындау керек болатын да шығар", – деп түсіндірді ол.

Бұған дейін хабарланғандай, Қазақстандағы алғашқы АЭС-ті Балқаш көлінің жанында, Алматы облысындағы Үлкен ауылының маңында салу жоспарланып отыр.

Сонымен қатар, Қазақстанда АЭС құрылысының құны мен мерзімі аталды.

Өз кезегінде атом энергетикасы саласындағы сарапшы Жақып Хайрушев желілердің жөндеу жұмыстарын шешпей, атом станциясының құрылысы энергетика проблемаларын шешпейтінін мәлімдеді.