Биыл Қазақстанда "МИ-171Ш" тікұшақтарын құрастыруды және автоматтар өндірісін жолға қою жоспарлануда, деп хабарлайды LS индустрия және инфрақұрылымдық даму министрлігіне сілтеме жасап.

Ақпаратқа сәйкес, биыл сегіз жобаны жүзеге асыру жоспарланған. Мәселен, 2022 жылдың ішінде Көкшетауда 2015 жылғы үлгідегі Калашников автоматтары өндірісі іске қосылмақ. Ал Алматыда "Ми-171Ш" тікұшақтарын құрастыруды бастайды.

Бұдан басқа, Қазақстанда Airbus ұшақтарына қызмет көрсету жөніндегі сервистік орталық құрылуы мүмкін. СҚО-да мемлекеттік шекараны қорғайтын техникалық құралдар өндірісі жолға қойылады.

Министрліктің мәліметінше, төрт кәсіпорын базасында радиациялық және химиялық қорғау құралдары, автоматты оқ-дәрілер өндірісі іске қосылады. Сонымен қатар, "Барыс 8х8" бронетранспортерлерi мен броньды машиналары өндірісі жаңғыртылады.

Бұған дейін, LS Қазақстанда авиациялық техникаға арналған толымдаушы ұшақтарды өндіруге кірісуді және Калашников автоматтарын жинау қолға алынатынын жазған болатын. Естеріңізге сала кетейік, Алматыда "Ми-8АМТ" құрастыруды бастап кетті. Бұл өндірісті дамытуға 4,5 млрд теңге инвестицияланды.