Қазақстанда жеке кәсіпкерлердің мобильді аударымдары үшін жеке шот ашылады, деп хабарлайды LS.
Қаржы министрі Ерұлан Жамаубаевтың айтуынша, қаржы министрлігі қаржыгерлер қауымдастығымен бірлесіп бірқатар заңнамалық түзетулер дайындады.
"Олар кәсіпкерлік мақсаттарға арналған жеке шотты пайдалануды қарастырады. Яғни, жеке тұлғалардың жеке мақсаттары үшін жеке карт-шоты қалады, ал жеке тұлғалар – жеке кәсіпкерлер үшін жеке шот болады", – деп түсіндірді ол.
Бұл ретте кәсіпкерлік қызметте жеке аударымдарды пайдалану фактілерін болдырмау үшін осындай бұзушылықтарды анықтау тетігін әзірлеу ұсынылады.
"Бұл түзетулер жеке тұлғалардың жеке аударымдарына әсер етпейді. Бұл бастамалар салықтың жаңа түрі емес және жеке тұлғалардың жеке мақсаттары үшін аударымдарына әсер етпейді", – деді Жамаубаев.
Түзетулер парламент сенатында қаралуда.
Ұлттық банктің ақпараты бойынша, ағымдағы жылдың сегіз айында онлайн-тәсілмен жасалған төлемдер мен ақша аударымдарының көлемі 35,9 трлн теңгені құрады.
Бұған дейін жедел төлемдер жүйесі арқылы 4 млрд теңгеден астам қаражат аударылғаны хабарланған болатын.
