Қазақстанда жаңа көліктер 16%-ға қымбаттады. Бұл туралы LS-ке индустрия және инфрақұрылымдық даму министрлігінде хабарлады.

Министрлiктiң мәліметінше, 2022 жылдың І тоқсанында отандық құрастырылған жеңіл автокөліктердің бағасы өткен жылмен салыстырғанда 16%-ға өсті. Сонымен қатар импорттық машиналар 18,6%-ға қымбаттады.

Министрлік бағаның өсуі бірқатар макроэкономикалық және геосаяси факторлармен байланысты екенін атап өтті. Мысалы, шикізат құнының өсуіне байланысты компоненттер қымбаттайды, логистика контейнерінің бағасы үш есеге дейін өсті, валюталардың құбылмалылығы 20% жетеді. Инфляция, жалақыны индекстеу және өндірісті дамытуға инвестициялар да әсер етеді.

Министрлiкте авто тапшылығына әкелген себептер қатарында микрочиптердің (жартылай өткізгіштердің) жетіспеушілігі мен логистикалық тізбектердің бұзылуы да бар деді.

"Қазақстандық біздің кәсіпорындар үшін қосалқы бөлшектерді жеткізуге квоталарды ұлғайту бойынша автоөндіруші серіктестерімен үнемі келіссөздер жүргізуде", — деп түсіндірді ИИДМ-де.

Қазақстанның Ресеймен шекаралас қалаларындағы сұранысқа келетін болсақ, ИИДМ Қостанайда сату өсімі өткен жылға қарағанда небәрі 1,8%-ды құрағанын атап өтті. I тоқсанда осы қалада 1,2 мың бірлік автокөлік сатып алынды. Ақтөбеде 769 көлік сатып алынды (+17,8%).

Қазақстанда ресейлік брендтердің өндірісіне түсініктеме бере отырып, Министрлік республикада: жеңіл автомобильдер – Lada, Renault, коммерциялық автомобильдер – ГАЗ, КАМАЗ, ЛИАЗ, МАЗ, ПАЗ, УАЗ, УРАЛ шығарылатынын нақтылады.

"Қосалқы бөлшектердi одан әрі жеткізу әр жеткізушіге байланысты. Елге жеткізу кезінде проблемалар туындаған жағдайда отандық өндірушілер оларды шешу үшін қосалқы бөлшектер жеткізушілерiмен келіссөздер жүргізеді", — деп қорытындылады ИИДМ-де.