Қазақстанда мақсатсыз пайдаланылған ауданы 75 мың гектардан астам жер қайтарылды. Бұл туралы экономикалық ресурстардың заңсыз шоғырлануына қарсы іс-қимыл мәселелері бойынша ведомствоаралық комиссиясында айтты, деп хабарлайды LS.
Комиссияның ресми өкілі Зейін Әліпбек хабарлағандай, жерді мақсатсыз пайдаланғаны және оларды заңсыз бергені үшін прокурорлар 109,5 мың га жер учаскесін қайтару бойынша қадағалау актілерін енгізді. Атап айтқанда, оның 75 мың гектары 5 млрд теңгеден астам сомаға қайтарылды.
Әліпбектің деректеріне сәйкес, Қостанай облысында жер кодексін бұза отырып, жергілікті аудандық атқарушы орган оған өкілеттігі жоқ (тек облыстық деңгейдегі құзыреті) акционерлік қоғамға кадастрлық құны 12 млн теңге болатын 1 мың гектар жер берген.
"Бұдан басқа, осы учаскедегі жұмыстар барысында бұл компания Су кодексінің 5-бабы бойынша бұзушылықтарға жол берді (су объектілерін ұтымды пайдалану қағидатын бұза отырып, Кіші Таңат көлі құрғатылған), осыған байланысты АҚ-ның құны $140 млн-нан астам 7 млн тоннадан астам кен өндіруге берген экологиялық рұқсаттары да жойылды", — деді Әліпбек.
Сонымен қатар, Екібастұзда кадастрлық құны 102 млн теңге болатын жалпы ауданы 15,3 мың га пайдаланылмайтын жер учаскелері анықталды.
Сондай-ақ, Ақмола облысының Қосшы қаласында кадастрлық құны 600 млн теңгеден асатын 20 га жер учаскесі қайтарылды. Бұл учаске 2005 жылы сауда-саттық рәсімдерін сақтамай ЖШС пайдасына жүзеге асырылған.
"Жамбыл облысының Сарысу ауданында мемлекетке 60 мың гектар кадастрлық құны 336 млн теңге болатын жер учаскесі қайтарылды, бұрын ЖШС тиісті өтініш пен жерге орналастыру жобасын берместен заңсыз берген", — деп жалғастырды Әліпбек.
Ал Алматы облысында кадастрлық құны 140 млн теңге болатын 16 мың гектар жерді мемлекетке қайтару туралы бес қадағалау актісі енгізілді. Ақпаратқа сәйкес, олар заңсыз берілген немесе мақсатты түрде пайдаланылмаған.
"Мәселен, Қарасай ауданында ЖШС 2006 жылдан бері кадастрлық құны 64 млн теңге болатын 4,5 мың га ауыл шаруашылығы жерін пайдаланбаған. Бұл жерлердің бір бөлігі Іле-Алатау мемлекеттік ұлттық табиғи паркінің күзет аймағында орналасқан", — деп қорытындылады Әліпбек.
