Бас прокуратурада Қайрат Сатыбалдыұлы мен Қайрат Боранбаевқа, сондай-ақ, басқа да танымал тұлғаларға қатысты қылмыстық істердің егжей-тегжейлерi айтылды, деп хабарлайды LS.
Мемлекеттік органның ақпараты бойынша, қылмыстық табысты заңдастыру белгілері бар аса резонанстық істерді, соның ішінде шетелде тергеу ерекше бақылауда.
Бұл – Қайрат Сатыбалдыұлы, Гүлмира Сатыбалды, Қайрат Боранбаевқа, "ӨКМ Операторы" басшыларының және т.б. қатысты істер. Бұл ақпарат экономикалық ресурстарды заңсыз шоғырландыруға қарсы іс-қимыл мәселелері жөніндегі ведомствоаралық комиссияның отырысында айтылды.
"Қазіргі уақытта тергеу органдарының қабылдаған шараларымен шамамен 230 млрд теңге өтелді, оның ішінде оларды шетелдік юрисдикциялардан қайтару жолымен", — деп түсіндірді Бас прокуратурада.
Оның ішінде сыбайлас жемқорлыққа қарсы қызмет тергеген іс бойынша айыпталушылар Люксембургтен $170 млн-дан астам ақшаны өз еркімен қайтарды.
"Қазақтелеком", "Көліктік сервис орталығы" және т.б. мүліктердің ұрланғаны туралы істер бойынша тергеу мекемесі шамамен 36 млрд теңге төледі.
"ӨКМ Операторының" ісі бойынша шамамен 180 млрд теңге қайтарылып, оның 100 млрд теңгесі жеңілдікпен автонесиелеуге бағытталды.
ҰҚК экс-басшылары мен қызметкерлеріне қатысты іс бойынша Гонконг пен БАӘ-ден шамамен $3 млн қайтарылды.
Қаржы мониторингі агенттігі Боранбаевқа қатысты істі тергеу барысында "ҚазМұнайГаз" компаниясына шамамен 11,3 млрд теңге өтелді.
Жамбыл облысында "ТаразЭнергосбыт" мемлекеттік ұйымына сеніп тапсырылған мүлікті иемдену және ысырап ету фактісі бойынша қылмыстық іс аясында 2,2 млрд теңге өтелді.
Қазіргі уақытта "Олимп" букмекерлiк кеңсе лауазымды тұлғаларына қатысты қылмыстық іс аясында тәркіленген $5,5 млн және 200 мың еуроны Ұлттық банкке аудару рәсімі жүріп жатыр.
Бұдан басқа, Қапшағай қалалық сотының 95 млрд теңгеге залал келтірген осы букмекерлік кеңсенің басшысы С. азаматын қоныс-колонияға ауыстыру (ұстау шарттарын жеңілдету) туралы 06.06.2022 қаулысының күшін жою туралы жеке өтінішхат енгізілді.
Мемлекет пайдасына аталған іс бойынша шамамен 3,6 млрд теңге тәркіленді (төрт ұшақ, бес жер учаскесі, 15 автокөлік, Алматыдағы 30 жылжымайтын мүлік объектісі (тұрғын және тұрғын емес үй-жайлар және т.б.).
11.07.2022 жылы Шығыс Қазақстан облысында Анатолий Балушкинге қатысты іс бойынша (халықаралық іздеуде, "БИПЭК" компаниялар тобының акционері) сотқа 77 бірлік жылжымайтын (оның ішінде "Рахман қайнары", "Нұртау" және "Фортуна порты" демалыс базалары) және 1 мың бірлік жылжымалы мүлікті сотқа дейін тәркілеу туралы өтініш жіберілді.
Күдіктілердің қылмыстық активтерін, оның ішінде шетелде анықтау, тыйым салу және тәркілеу бойынша жұмыс жалғасуда.
