Шетелдік компаниялардың басқаруына қазақстандықтардың $3 млрд-тан астам зейнетақы активтері берілді, деп хабарлайды LS.

Ұлттық банкте шетелдік компанияларды тарту "Жаһандық акциялар", "Дамушы нарықтардың облигациялары" және "Инвестициялық деңгейдегі корпоративтік облигациялар" мандаттары бойынша жүзеге асырылатынын атап өтті.

"2018 жылдың наурызынан 2022 жылдың 1 шілдесіне дейін сегіз шетелдік басқарушы ұйымға зейнетақы активтері $3,02 млрд-қа берілді, сыртқы басқарудағы активтер бойынша инвестициялық табыс сомасы 180 млрд теңгені құрады", — деп хабарлады Ұлттық банкте.

Aviva Investors компаниялары бөлінісінде "Дамушы нарықтардың жаһандық облигациялары" мандаты бойынша $220 млн; HSBC – $400 млн, Robeco және BlackRock (USA) – әрқайсысы $200 млн, BlackRock (UK) және UBS "Жаһандық акциялар" мандаты бойынша – әрқайсысы $250 млн; PGIM және principal по "Инвестициялық деңгейдегі жаһандық корпоративтік облигациялар" мандаты – әрқайсысы $750 млн.

Зейнетақы активтерінің табыстылығы 2018 жылдың наурызынан 2022 жылдың шілдесіне дейін жаһандық акциялар бойынша 137,7 млрд теңгені, корпоративтік облигациялар бойынша 31,1 млрд теңгені, дамушы нарықтардағы мемлекеттік облигациялар бойынша 11,5 млрд теңгені құрады.

Айта кетейік, БЖЗҚ мәліметтеріне сәйкес 2022 жылғы 1 шілдедегі жағдай бойынша Ұлттық банктің басқаруындағы зейнетақы активтерінің сомасы 13,3 трлн теңгеден асты.

Портфельдегі негізгі үлесті қаржы министрлігінің мемлекеттік бағалы қағаздар (МБҚ) алады. Олардың ағымдағы құны 5,6 трлн теңгені құрады (үлесі – 42,29%). Бұдан әрі квазимемлекеттік ұйымдардың облигациялары – 1,7 трлн теңге (12,7%), қазақстандық банктердің облигациялары – 927,17 млрд теңге (6,93%), шет мемлекеттердің МБҚ – 308,79 млрд теңге (2,31%), сондай-ақ, халықаралық қаржы ұйымдарының облигациялары – 396,99 млрд теңге (2,97%).

Сонымен қатар, ұлттық валютадағы инвестициялардың үлесі 68,6%-дан, долларда – 31,2%-дан, басқа валютада – 0,08%-дан асты. Ағымдағы жылдың басынан бері есептелген инвестициялық табыстың мөлшері 352,5 млрд теңгені құрады, кірістілік – 2,47%.

Өз кезегінде жергілікті қазақстандық компаниялардың басқаруында 8,8 млрд теңгеге активтер бар. Jusan Invest-те-4 млрд теңгеге (2022 жылдың басынан бастап табыстылық 0,35%-ға жетті), Halyk Global Markets-те – 2,4 млрд теңгеге (-5,24%), BCC Invest – 1,4 млрд теңгеге (-4,88%), "Сентрас Секьюритиз" – 920 млн теңгеге (-2,04%).