Қазақстандық инвесторлардың салымдары Ресей эмитенттерінің қағаздарына салынған қаражаттың жалпы сомасының 5%-ын құрады, деп хабарлайды LS.

LS-тің ресми сұрауына жауап ретінде қаржы нарығын реттеу және дамыту агенттігі ресейлік бағалы қағаздарға қаржы салған қазақстандық инвесторлар әлі күнге дейін өз салымдарын қайтара алмай отырғандарын хабарлады.

Кәсіби қатысушылардың деректеріне сілтеме жасай отырып, агенттікте 2022 жылғы 18 қазанда Ресей эмитенттерінің бағалы қағаздарындағы мұздатылған активтердің сомасы $63,7 млн құрағанын атап өтті. Бұл қазақстандық инвесторлар бағалы қағаздарға салынған қаражаттың жалпы сомасының 5%-зы, яғни $1,3 млрд.

Агенттікте бұл сұрақ Еуразиялық экономикалық комиссия жанындағы қаржы нарықтары жөніндегі консультативтік комитеттің талқылауына шығарылғанын нақтылады. Бүгінде мәселе ішінара шешілген.

"2022 жылдың 14 шілдесінен бастап Ресей эмитенттерінің бағалы қағаздарын халықаралық депозитарийлердің (Euroclear, Slearstream) шоттарынан Ресейдің орталық депозитарийінің есепке алу жүйесіндегі активтерді ұстаушылардың шоттарына мәжбүрлеп аудару мүмкіндігі көзделген заң қабылданды. Ол үшін бағалы қағаздардың иелері ағымдағы жылдың 11 қарашасына дейін құжаттарды тапсыруы тиіс. Сонымен қатар, ресейлік эмитенттер шетелдік корпоративті еурооблигацияларды ресейлік облигациялармен алмастыра алады. Осылайша, ресейлік эмитенттер шетелдік корпоративтік еурооблигацияларды ұстаушылар алдындағы міндеттемелерін еурооблигациялардың ұқсас шарттарына сәйкес келетін борыштық қағаздарды шығару немесе Ресей рублімен есептеу (жаңадан шығарылған ресейлік облигациялардан алынған қаражат есебінен) арқылы орындай алады. Бұл опциялар мұздатылған активтерге қатысты мәселені шешті", — деп қосты қаржы агенттігінде.

Алайда, бағалы қағаздарды өтеу кезінде қағаздар бойынша, оның ішінде дивидендтер, купондық сыйақылар және сомалар бойынша төлемдер бойынша мәселе шешілмеген күйінде қалып отыр.

"Ең алдымен, бұл төлемдер халықаралық депозитарийлердің шоттарына жүзеге асырылғандығына байланысты, онсыз қазақстандық бағалы қағаздардың меншік иелерінің құқықтарын растаусыз ақшаны соңғысының шоттарына одан әрі аударуды жүзеге асыру мүмкін емес", — деп нақтылады агенттікте.

Қазіргі уақытта бұл қаражаттарды бұғаттаудан шешу жұмыстары жалғасуда.

Естеріңізге сала кетейік, 2022 жылдың II тоқсанында Қазақстаннан басқа елдерге кеткен тікелей инвестициялардың жалпы құны $443 млн-ға дейін ұлғайды.