Алматы қаласының спорт басқармасының әлеуметтік желіге жариялаған ақпаратына сенсек, біздің спортшылар 12 санат бойынша бақ сынаған, деп хабарлайды Caravan.kz медиа порталы.

Алайда, әлемнің үздік спортшысының тізіміне енген отандық спортшылардың бұл жетістігін спорт журналисі Аслан Каженов қабылдай алмайтынын айтты.

"Пилондағы спорттан тарихи жетістік...

Қазақстан өкілдері алғаш рет осы бағыт бойынша әлем чемпионатына қатысты. Нәтижесінде 2 алтын, 3 күміс және 1 қола жеңіп алды. «Мен алғашқы қатысушыларының бірі болғаныма қуаныштымын. Өзім үшін жаңа тәжірибе болды. Физикалық және эмоционалдық жағынан кедергілер кездесті. Бірақ, бәрін еңсергеніме қуаныштымын»- депті суреттегі ұлттық команда мүшесі Владимир Зыков.

Бұның барлығын Алматы қаласының спорт басқармасы әлеуметтік желіге жариялап отыр. Жаңа ғана Астанада өтетін бокс кешінің салмақ өлшеу рәсіміне қатысып, былғары қолғап шеберлерінің дайындығын көріп келіп едім. Енді мына жаңалықты қабылдай алмай отырмын. Масқара. Не дейміз енді?! Ал, құтты болсын! Тарихи жетістік екен. Пилондағы спорт өкілдері ел абыройын асқақтатып, көк туымызды биіктерден көтере берсін!", — деп жазды ол әлеуметтік желідегі парақшасында.

Желі қолданушаларының пікірінде де бұл жаңалыққа қуанудан гөрі ыза басым.

"Мынаның алтынынан қара топырақ құнды", "Бұндай спорт түрінің көзін құрту керек", "Мынау қате енді ат төбеліндей алтын алса да", "Көгілдірдің спорты емес па", "Бізге бұл алтынды прикол ұстап бере салған сияқты", — деп жазды олар.