Алматы облысында 2023 жылы 14 ірі жоба іске қосылады, онда 2 мыңнан астам жұмыс орны ашылады, деп хабарлайды LS.

Өңірлік әкімдікте хабарлағандай, жаңа өндірістік алаңдар тау-кен металлургия кешенінде, мұнай-газ саласында, тамақ, жеңіл, химия өнеркәсібінде және құрылыс индустриясында пайда болады. 2,2 мыңнан астам адам жұмыспен қамтылады.

Келесі жылы Еңбекшіқазақ ауданындағы Богута вольфрам кен орнын өнеркәсіптік игеру жобасын іске асыру жоспарлануда. Инвестициялар – 94,5 млрд теңге. Ақпаратқа сәйкес, мұнда жылына 3,3 млн кен өндіріп, өңдейтін болады. 350 қазақстандық жұмысқа орналасады.

Іле ауданында 73,34 млрд теңгеге сұйытылған табиғи газды өңдейтін зауыт ашылуы мүмкін. Қуаттылығы – тәулігіне 1 млн текше метр. Мұнда 150 адам жұмыспен қамтылады.

Тағы бір жоба Ұйғыр ауданында 33,58 млрд теңгеге жүзеге асырылады. Ақпаратқа сәйкес, бұл аймақта құс шаруашылығы кешені құрылады. Нысанның қуаттылығы жылына 35,62 мың тонна етті құрайды. 580 адам жұмысқа орналаса алады.

Келесі нысан Панфилов ауданында 22,1 млрд теңгеге киім және тоқыма өндірісі іске қосылмақ. Мұнда 405 адам жұмыспен қамтылады. Өндіріс қуаттылығы – жылына 451 мың бірлік.

Осы ауданда жабық сумен жабдықтау технологиясы бойынша атлантикалық лосось өсіретін зауыт салынып, пайдалануға берілуі мүмкін. Инвестициялар 15,75 млрд теңгені құрайды. Жұмыс орны – 40, қуаттылығы – жылына 2,5 мың тонна.

Тағы бір қазақстандық инвестор Іле ауданында балмұздақ өндіру жобасының екінші кезеңіне 15,4 млрд теңге қаржы салмақ ниетте. Кәсіпорында жылына 10 мың тонна өнім шығарылса 90 жаңа жұмыс орны ашылады.

Қонаевта 8 млрд теңгеге тез дайындалатын кеспе шығаратын зауыт салынады. Нысанның қуаттылығы жылына 212 млн порция немесе 70 мың тонна кеспе болады деп күтілуде. 300 адам жұмысқа орналаса алады.

2023 жылдың соңына дейін инвестор Іле ауданындағы өндірістік және қойма алаңдарын кеңейту мақсатында 7,6 млрд теңге салмақ. Нысанда 120 жұмыс орны ашылады.

Жамбыл ауданында 4,03 млрд теңгеге алтын өндіретін фабрика іске қосылмақ. Бұл өнеркәсіптік нысанда 78 адам жұмыспен қамтылады. Қуаттылығы – жылына 400 мың тонна.

Сондай-ақ, Алматы облысының Іле ауданында 1,2 млрд теңгеге бөтелкедегі су өндірісі жұмысын бастайды. Қуаттылығы – жылына 9,1 млн л, жұмыс орындары – 12.

Ал Талдықорғанда 550,1 млн теңгеге керамикалық қаптама, қатардағы кірпіш пен блок шығаратын зауыт салу жоспарланған. Кәсіпорын жылына 30 млн дана кірпіш шығаруға ниетті. Зауытта 67 жұмыс орны ашылады.

Сондай-ақ, келесі жылдың соңына дейін энергетикалық отын брикеттеріне өңдеу әдісімен күріш қауызын кешенді кәдеге жаратуды жолға қою жоспарлануда. Бұл жоба Балқаш ауданында 386,8 млн теңгеге іске қосылады. Қуаттылығы – жылына 2 мың тонна болатын нысанда 50 жұмыс орны ашылады деп күтілуде.

Еңбекшіқазақ ауданында 300 млн теңгеге сабын және жуғыш заттар шығаратын зауыт салынады. Тәулігіне 30 мың дана сабын және тәулігіне 1,5 мың тонна жуғыш заттар шығару жоспарлануда. 30 жұмыс орны пайда болады.

Ал Панфилов ауданында 256 млн теңгеге балаларға арналған жаялықтар өндірісі ашылмақ. Қуаттылығы – тәулігіне 150 мың дана, жұмыс орындары – 80.