Очрашу кысаларында кунакларга җырчының концертыннан архив видеоязмасы тәкъдим ителәчәк.
Бүген, 2 августта, Аксенов исемендәге скверда танылган җырчы Зөлфия Камалованың бай иҗат мирасына багышланган ачык сөйләшү уздырыла.
Иҗади очрашуда журналистлар, музыкантлар, продюсерлар һәм мәдәният өлкәсе хезмәткәрләре катнашачак. Алар җырчының сәнгать сөюче дуслары белән бергә Зөлфия Камалова иҗатының заманча татар музыкасы үсешенә йогынтысы һәм ни өчен аның җырлары яңа буын артистларын һаман да илһамландыруы турында фикер алышачак.
Парклар һәм скверлар дирекциясе хәбәр итүенчә, кичәнең ахырында кунакларга җырчының концертларыннан сирәк сакланган архив видеоязмасы тәкъдим ителәчәк.
Хәтер кичәсе 19:00 сәгатьтә башлана.
Чара «Татарстанда җәй» проекты кысаларында оештырыла.
