Брянскига ракета һөҗүмендә алты кеше үлгән һәм тагын 37 кеше җәрәхәтләр алган. Бу хакта төбәк губернаторы Александр Богомаз хәбәр итте.
«Террористик ракета һөҗүмендә алты гади граждан һәлак булды, 37се яраланды. Барысы да Брянск өлкә хастаханәсенә китерелгән, анда аларга медицина ярдәме күрсәтелә», – дигән ул телеграм-каналында.
Брянскидагы предприятиеләрнең берсенең цехына Украина Кораллы көчләре ракетасы һөҗүм иткән. Бу хакта төбәк башлыгы Александр Богомазга Гадәттән тыш хәлләр министрлыгының Брянск өлкәсе буенча Баш идарәсе башлыгы Дмитрий Ерин хәбәр итте.
ТАСС хәбәр иткәнчә, хастаханәләргә 35 яралы кеше китерелгән, аларның берничәсе авыр хәлдә. Шәһәрдә яшеренү урынында булган 25 тән артык кешене эвакуациялиләр.
