Мемлекеттік кірістер комитеті (МКК) қандай да бір жолмен шетелде компанияларды иеленетін мемлекеттік қызметшілерді анықтады, деп хабарлайды LS.

LS редакциясының сұранысына жауап ретінде мемлекеттік кірістер комитеті 17 шенеунік 15 елдегі компаниялардың иелері немесе ортақ иелері екенін хабарлады. Деректер мемлекеттік қызметшілер мен оларға теңестірілген адамдардың, сондай-ақ олардың жұбайларының табыстарын декларациялау барысында анықталды.

Екі жеке тұлғаның БАӘ компанияларында, ал тағы екеуінде АҚШ-та үлестері бар.

Бір адамнан Ұлыбританияда, Германияда, Грузияда, Индонезияда, Испанияда, Кипрде, Мальтада, Сингапурда, Словенияда, Швейцарияда, Эстонияда және Виргин, Кайман аралдарында бизнес иелері немесе ортақ иелері екенін көрсетті.

МКК елімізде осы жылдың басынан бастап жалпыға бірдей декларациялаудың екінші кезеңі басталғанын еске салды.

Бұл жолы есепті тапсыруға мемлекеттік мекемелердің қызметкерлері мен олардың жұбайлары, квазимемлекеттік сектор субъектілерінің қызметкерлері және олардың жұбайлары қосылады. Олар ағымдағы жылдың 15 шілдесінен кешіктірмей қағаз жүзінде активтер мен міндеттемелер туралы барлық ақпаратты (250.00-нысан) ұсынуы қажет. Ал осы жылдың 15 қыркүйегінен кешіктірмей электронды нұсқада.

2024 жылы тізімге заңды тұлғалардың басшылары мен құрылтайшылары мен жеке кәсіпкерлер кіреді. Ал 2025 жылдың 1 қаңтарынан бастап декларацияны барлық қазақстандықтар тапсыруы тиіс.