Жамбыл облысында 500 млн теңгенің алтын жобасы жүзеге асырылады деп күтiлуде. Бұл туралы LS-ке өңірлік әкімдікте хабарлады.
Ақпаратқа сәйкес, өңірде құрамында алтыны бар кенді өндіру және байыту бойынша зауыт салынады.
"Тау-кен металлургия саласында жобаны жүзеге асыру осы жылға белгіленген. Құны — 500 млн теңге", – деді мекемеде.
Қуаттылығы жылына 30 мың тонна құрамында алтын бар кен концентратын құрайды. 23 адам жұмыспен қамтылады.
Бұдан бұрын хабарланғандай, Жамбыл облысында 832 млрд теңгеге жаңа тау-кен металлургия комбинаты салына бастады. Инвестор – неміс компаниясы. Жобалық қуаты жылына Доре қорытпасындағы 10 тонна алтынға дейінгі үш кезеңде іске асырылатын болады. Шикізат көзі-Қаратас-Майбұлақ ауданы.
